“Azərbaycan Sənaye Sığorta”ASC Kənd təsərrüfatı bitkilərinin sığortası üzrə növbəti böyük sığorta ödənişini həyata keçirib. Belə ki, 2016-cı ilin son aylarında Kürdəmir, Beyləqan, İmişli, Ağcəbədi, Bərdə və Tərtər rayonlarındakı şəkər çuğunduru əkin sahələrinə şaxta nəticəsində ciddi ziyan dəyib. Sahələrə dəymiş zərər üçün çoxsaylı fermerlərə ümümilikdə 508 404 manat sığorta ödənişi həyata keçirilib.
Məlumat üçün bildirək ki, “Azərbaycan Sənaye Sığorta”ASC tərəfindən bu ilin fevral ayında Ağcabədi, Bərdə, Beyləqan, Füzuli, İmişli, Samux, Tovuz, Tərtər, Biləsüvar və Kürdəmir rayonlarında şəkər çuğunduru əkin sahələrinə dolu nəticəsində dəymiş zərər üçün fermerlərə 205 392 manat, mart ayında isə 604 267 sığorta ödənişi həyata keçirilmişdir.